ISILO uMisuzulu Sinqobile kaZwelithini sisukumela eyokuvalwa kweThala.
IMbube isihlanganise ithimba labaNtwana baseNdlunkulu namakhosi elizokweseka imizamo kahulumeni waKwaZulu-Natal yokuvimba ukuvalwa kweThala.
Ithimba eliqokwe iMbube liholwa uMphathiswa wezokuBusa ngokuBambisana kanye neziNdaba zoMdabu KwaZulu-Natal, uMfu Thulasizwe Buthelezi.
UButhelezi uthe iNdlulamithi yamaKhosi ikhathazekile ngokuvalwa kweThala.
"INgonyama isiyalele ukuba sibe nomhlangano nabaholi bakahulumeni kazwelonke lapho sizoveza iqhaza elibalulekile elibanjwe Ithala empilweni yabantu beMbube."
UButhelezi uthe amakhosi asengcupheni yokulahlekelwa u-R34 million oseThala.
Lena imali eqoqwa ezizweni zamakhosi.
Izinto zimapeketwane eThala njengoba amakhasimende engakwazi ukukhipha imali, nabasebenzi abaholile.