ISIFIKILE impelasonto enkulu. Phela ostufuza bathembisa ukulivala thaqa iTheku ngomcimbi wabo ozoba seLuma Sunsets, eSpringfield ngeSonto.
Umcimbi ohlelwe ngabePlus Size Black Diamonds SA, okuyinhlangano eqhakambisa ubuhle, ukuzithanda nokuba nogqozi kwabantu besilisa nabesifazane.
Yinhlangano ezinze eGoli, ivame ukwenza imicimbi eyahlukene iqhakambisa ostufuza abahle abazithandayo.
Wumcimbi wabo wokuqala kwelikabhanana futhi banxusa abantu ukuthi baphume ngobuningi futhi bagqoke baconse ngoba uhlelo lwabo luqukethe lukhulu.
Emcimbini kuzobe kukhona nentokazi ezakhele udumo ezinkundleni zokuxhumana, uPaballo Kgware, owaziwa ngoRich Makoti ezinkundleni zokuxhumana.