Umufi uDumisile KaManana Mthalane (61) wodumo kwiMithente uzofihlwa emathuneni asekhaya esigodini saKwaDeda, eMakhabeleni, eKranskop ngeSonto emuva kwenkonzo ezokuba ngo-9 ekuseni.
Inkonzo yesikhumbuzo izokuba seDowntown Studios eGoli ngoLwesithathu ngo-11 ekuseni. Lokhu kuqinisekiswe yindodana kamufi uHlanganani Mthalane.
Ngokusho kwesitatimende esithunyelelwe imithombo yezindaba yiHhovisi likaNdunankulu waKwaZulu-Natal, uMnuz Thamsanqa Ntuli, le ngwazi ishonele esibhedlela esiseVosloorus ngeSonto ezintatha.
UNtuli uthe baphatheke kabi kakhulu ngokuhamba kwale ngqalabutho emculweni wabesifazane.
"Njengomunye wabasunguli beMithente, ubengasiye nje umculi onekhono kuphela kodwa ubewumholi oqotho obeqhakambisa ukuthula nobumbano, ehamba ezinyathelweni zoMntwana waKwaPhindangene, uDkt Mangosuthu Buthelezi. Uhambe kakhulu noMntwana, ezibophezele ekugqugquzeleni ubumbano emphakathini waKwaZulu-Natal naseNingizimu Afrika namaphethelo."
Udaba oluphelele kwiSolezwe lakusasa