ABEZIMO eziphuthumayo babizelwe ehhotela elingasolwandle eThekwini ngemibiko yokugwiliza kwezingane ezimbili e-swimming pool.
UKyle van Reenen okhulumela abe-Emer-G-Med uthi ngo-3 ntambama ngoLwesibili baphuthume ehhotela eliseSouth Beach.
“Sifike sathola izingane zamantombazane ezimbili ezineminyaka emihlanu nenye eneminyaka eyisishiyagalombili zigwilizile, futhi besezimelwe yinhliziyo,” kusho yena.
Uthi bazame isikhathi esingangehora ukuzisiza izingane kodwa bangaphumelela. Zombili zihloliwe kwatholakala ukuthi sezishonile khona lapho.