ABEZINDABA sebethole isimemo sesithangami lapho okuthiwa owayengumengameli, uMnuz Jacob Zuma, uzokwenza isimemezelo ngekusasa lakhe kwezepolitiki. Isimemezelo Isolezwe linaso, siveza ukuthi isithangami nabezindaba sizoba ngoMgqibelo, eSoweto, eJabavu.
Kuthiwa kuzobe kuhlangenwe e-Ipelegeng Community Centre nezithuba zika-2 ntambama. Isimemo lesi sineziqubulo futhi abezindaba bamenyelwa ekutheni bazoba wofakazi wokuvulwa kwekhasi elisha.
Isimemo asicacisi ukuthi uZuma uyomemezela iqembu elisha noma uyojoyina elivele likhona. Kukhona iziqubulo ezithi: ”Kwasuka lokho!” “Phakama Moya oNgcwele!” “Vuka mathambo amhlophe!”
Bekulokhu kusabalele imibiko ethi uZuma kungenzeka athushuke neqembu elisha. UNobhala-Jikelele we-ANC, uMnuz Fikile Mbalula, ekhuluma nabezindaba uke washo ukuthi bayazi ngamahemuhemu ayamanisa uZuma neqembu elisha.