KUKHALWA ngenzondo ebhekiswe kuANDILE mpisane kulandela ukuthi zilokhu zanda izigameko ezimphendula inhlekisa ezinkundleni zokuxhumana. U-Andile ngempelasonto kusabalale i-video egingqwa yibhola abezama ukuligenda enkundleni yezemidlalo eFree State Stadium ngesikhathi kudlala iqembu lakhe iRoyal AM neKaizer Chiefs kwiMacufe Cup.
Lokhu kususe umsindo ezinkundleni zokuxhumana babodwa abakhala ngokuthi nokuba senkundleni yezemidlalo akumfanele.
" Akanalo ikhono kodwa ayinasidingo indlela abantu abaphawula ngayo nendlela abambheka ngayo. Asikho isizathu sokuthi abantu baze bathuke bamkhace umuntu oneminyaka ewu-21," kusho uMarathon Bronze.
" Angazi kungani uKaizer Junior adlala kwiPSL futhi akekho noyedwa owake washo okubi ngakho," kusho u-Ogone.
" Kumele abantu bazi ukuthi no-Andile uwumuntu nanoma ubani angenza njengaye," kusho uNdlovu Lemohang.
" Andile Mpisane uwuSihlalo, ukaputeni nomdlali onqobe iKaizeer Chiefs," kusho uMr Handsome.