KUBE muncu enkantolo yaseWynberg eKapa, kudutshulwa umuntu ehleli emabhentshini asenkantolo ekuseni ngoLwesibili.
Umbiko ovela endaweni yesehlo uthi umsolwa uphume etekisini yohlobo lweQuantum wangena ngaphakathi wavulela ngenhlamvu ebhekise kumufi.
Kusolwa udlame lwamaqembu ezigebengu.
Okhulumela amaphoyisa eWestern Cape uSergeant Wesley Twigg usiqinisekisile isehlo.
“Amaphoyisa aseWynberg aphenya icala lokubulala kulandela ukudutshulwa komuntu enkantolo yendawo ngoLwesibili ekuseni. Isidumbu sikamufi sitholakale sidindilizile enkantolo sinamanxeba okudutshulwa emzimbeni nasekhanda,” kusho uTwigg.