Sekuphinde kwaxoshwa omunye ongenele umncintiswano iBig Brother Mzansi ngenxa yamagama alumelayo.
UYolanda uxoshwe ngoLwesihlanu ngemuva kophenyo ngenkulumo ayenze ohlelweni olukhonjiswa ubusuku nemini kuDStv channel 198.
Kuthiwa wenze inkulumo ethinta ukunukubeza omunye osendlini.
IMultiChoice ikhiphe isitatimende lapho ithe yenze khona uphenyo ngenkulumo kaYolanda.
“Asikugqugquzeli ukusatshiswa kwabasendlini ohlelweni futhi sikuthathela phezulu ukuhlukunyezwa ngokobulili. Ngakho obesendlini (Yolanda) owenze inkulumo enokusabisa usekhishiwe emdlalweni,” kusho isitatimende.
UYolanda ulandela ezinyathelweni zikaBravo B owaxoshwa ngasekuqaleni kohlelo ngenkulumo ejivaza abesifazane.