MUVHANGO
Ngo-9 ebusuku kuSABC 2
UTHIFHELI usebenzisa umuthi ukuze athenjwe nguVhangani. UKhumo ushaqisa wonke umuntu uma ekhetha uhlangothi olungahambisani nomndeni wakhe. UBorosi unikeza uVhangani umsebenzi onzima. U-Imani uhlanganisa izinto futhi ubona ukuthi kungenzeka ukuthi uKhumo unesandla ekuhayizeni kukaGugu. AbakwaMukwevho bafuna ukushintsha uJames bafake omunye wabo. UThifheli ubona ukuthi umuthi wakhe awusebenzanga kuVhangani. U-Azwindini ufuna usizo lukaNdalamo. URosemary uvela eMMC. Amaphoyisa ayafika ukuzobona uKgosi futhi uthweswa icala.
HOUSE OF ZWIDE
Ngo-7 ebusuku ku-e.tv
UREA noFunani baba nengxoxo eyenza izinto zishube kakhulu. UNomsa uyahluleka ukutshela uShoki (Shalate Sekhabi) iqiniso. UNomsa utshela wonke umuntu ngebhizinisi lakhe elisha. UShoki noNomsa baba nokungaboni ngaso linye ngemuva kwezindaba zikaNomsa. U-Isaac unquma ukuyobuza uFunani. UFunani no-Isaac babhekana ngeziqu zamehlo ngeselula entsha kaKeletso.
UZALO
Ngo-8.30 ebusuku kuSABC 1
LISENGCUPHENI ikusasa lowesilisa. Owesilisa osemncane uthatha isinqumo esibeka engcupheni impilo yakhe. Uyise ulahlekelwa yindodana yakhe futhi. UMfundisi uGwala ubona ukuthi indodana yakhe idukile ngesikhathi ukucasuka kukaNkunzi kuba ngaphezulu. UNyawo ugonyuluka ngezimfuno zakhe futhi umcimbi wamakhono kaHlelo uba nezingqinamba. UNkazimulo ugaxela ebugebengwini bukamkhulu wakhe. Isiphakamiso sikaHlelo sichaza uNkunzi. UMondli uzama ukukhombisa ibhodi lamaphoyisa ukuthi ubhecwa ngobendle inyama engayidlanga kodwa uColonel Mabaso unobufakazi obuqanda ikhanda. UMthambisi (Buyile Mdladla) ukhombisa ukuthi ungaphambili kunoMondli. UNosipho wenza konke ukwenza uNkazimulo aphephe.
THE QUEEN
Ngo-9 ebusuku kuMzansi Magic
UMNCEDISI ucishe abanjwe nokuthile kodwa udidisa ukunakwa kubheke ngakudadewabo futhi. UHarriet noBrutus babona sengathi bayindaba endala. UMncedisi uyajabula uma uMpumelelo ethola ucingo ngokutholakala kukaSchumacher. UHarriet uphaka impi kuLondiwe. UMlungisi uyahluleka ukuthi uzombuyisa kanjani uCora. UMncedisi noPatronella bayathuka uma kukhona okwenzeka ezinkundleni zokuxhumana zikaSchumacher. UHarriet ufuna impendulo ukuze athole akufunayo. UMncedisi udala uxolo no-Andiswa futhi kukhona okusha okwenzekayo. UMlungisi uyahluleka ukuthola imvume kayise.
GENERATIONS: THE LEGACY
Ngo-8 ebusuku kuSABC 1
UMBALI ususa uthuthuva uma efundisa uThenjiwe ngamalungelo akhe. USphe uyafunga ukuthi uzoyithola impendulo ngokufa obekungalindelekile. Ohlola izidumbu waseKapa unezindaba ezishaqisayo azozidalula. Iqiniso likhona kodwa u-Ayanda uyanqaba ukulikholwa. UDonald uthola isixwayiso. ULelethu unentshisekelo uma umfowabo efika ezofuna usizo. ULucy ubona ukuthi uthathe ngamawala. Ukubona injabulo kufana nokuthela usawoti esilondeni kuMazwi. UKabisi akazizwa kahle kodwa uyakufihla kuFikile. Ubani ozoxazulula indaba yokuthi kwenzakalani kuPhilani?
DIEPCITY
Ngo-9 ebusuku kuMzansi Magic
U-ASANDA ubuyela kuCharleston (Chrispen Nyathi). ULerato ulwela indoda yakhe. Izinkinga zikaLerato ziyanda. AmaRecruitees aba nombhikisho. ULerato uyaqhubeka nokuphila impilo engamanga, efihlela abangani nomndeni iqiniso. ULerato ubanjwa elele emsebenzini. URingo ukhumbule uKhelina kodwa akafuni ukuvuma.
SCANDAL!
Ngo-7.30 ebusuku ku-e.tv
INDODANA ivuma umhlangano ingazi ukuthi ekulindele kuyiphutha. Kwembuleka ulwembu kuDintle abengazi ukuthi belumsitha okubucayi. Owesilisa onenhlanhla ubuyelwa ngumuntu amthandayo. Kusala isikhala okunzima ukusivala uma kukhona obese kunesikhathi kulindelwe ukuthi uyahamba. UDintle ubuza uReggie iqiniso. Luyama uthando olufufusayo kuze kuba kuqinisekiswa izinhlelo zokuhamba. UMdala akaneme ngokuthi uNhlamulo akaphendulanga kahle esicelweni sakhe.