UMREPHA osanda kuba sematheni ngokuhlabana ngendondo yeGrammy, uDoja Cat, ukhombise elinye ithalente lakhe ehlobisa iBMW iX.
UZandile “Doja Cat” Dlamini ozalwa ngumlingisi uDumisani Dlamini, uhlabane ngendondo yeBest Pop Duo/Group Performance noSZA ngengoma yabo ethi Kiss Me More.
UDoja Cat ungomunye wabazonandisa emcimbini iCoachella Valley Music & Arts Festival, eCalifornia, e-United States of America (USA).
Lo mcimbi ongeminye yemikhulukazi emhlabeni, uzoba phakathi kuka-Ephreli 15 no-Ephreli 17 nango-Ephreli 22 kuya ku-Ephreli 24.
UDoja uthe iBMW yinkampani enkulu futhi uzizwa ethobekile ngokusebenza nayo.
Umhlobiso owenziwe kwiBMW iX, okuyimoto ehamba ngogesi, ugqugquzelwe yi-albhamu yakhe iPlanet Her.
Usebenzisane nomthwebuli uDavid LaChapelle neciko uBrrett Alan Nelson.
KwiCoachella kuzobe kukhona noDJ Black Coffee osanda kuthola indondo yakhe yokuqala kumaGrammy, iMajor League DJz noDBN Gogo.