IYAQHUBEKA imigubho yeminyaka engu-50 kwasungulwa uphiko lwezimoto zejubane zakwaBMW, iBMW M, njengoba kubuya umcimbi iM Fest ozoba seGoli ngo-Okthoba.
IBMW M Fest, okuzoba ngeyesithathu isingathwa, yagcina ngo-2019 ukwenziwa.
Izoba seKyalami Grand Prix Circuit ngo-Okthoba 15 kuya ku 16.
“IBMW M Fest ithembisa ukuqopha umlando njengoba abazoyihambela bezothola ithuba lokuzwa izimoto zakwaBMW M namaM Performance ngokuzishayela, ukuncintisana ngejubane nokushaya izidudla. INingizimu Afrika iyizwe elibalulekile ekudayiseni amaBMW M namaM Performance ngakho abalandeli bengalindela ukubona izimoto zekhethelo eKyalami,” kusho iBMW.
Ngaphandle kwezimoto, abazohambela umcimbi bangalindela umculo nezindawo zokudlala.
Amathikithi alo mcimbi azoqala ukudayisa kusuka ngoMsombuluko ku-www.howler.co.za