ABETHULI bePodcast and Chill, bazotheleka KwaZulu-Natal emjikelezweni wabo obizwa nge-Live Nation Tour with MacG and Sol ngoMashi 9.
Labo saziwayo bazobe besakaza bukhoma ezinye iziqephu zohlelo lwabo lwe-Podcast, eZulu Theatre, eSibaya Casino & Entertainment Kingdom.
Kulo mjikelezo wabo bathembisa into yamehlo njengoba bethi kuzoqhululwa amahlaya, kunandiswe bukhoma kuphinde kudingidwe izindaba ezishisa ibunzi kanti abantu bazophuma kubuhlungu nezisu ngenxa yamahlaya.
Uhlelo lonke luzobe lwethulwa wuMacG, Sol Phenduka noGhost Lady.
Uhlelo luzoqala ngo-6 kuhwalala kanti abantu bangakwazi ukuzibonela bukhoma okuzobe kwenzeka kulolu hlelo ngokuthenga amathikithi omcimbi. Amathikithi abiza u-R250 kanti atholakala eQuicket.
Emva kwesifundazwe iKwaZulu-Natal, lo mjikelezo uzoya eFree State, Limpopo, Western Cape, Eastern Cape, North West naseMpumalanga.