INKAKHA kaDJ uShimza izokwamukela intwasahlobo ngomcimbi wayo obizwa ngeShimza and Friends ozoba seDurban Exhibition Centre, eThekwini ngoSepthemba 7.
UShimza uzotheleka kulo mcimbi nenqwaba yabaculi abayizintandokazi bakuleli nabakwamanye amazwe.
Kuzobe kungokwesithathu eba nalo mcimbi okwethathwa njengemikhulukazi.
Phakathi kwamaciko azonandisa kulo mcimbi kuzoba uyena uShimza, Da Capo, Dlala Thukzin, Mörda, Malumz On Decks, Zee Nxumalo, Young Stunna, KUSUSA, Fhiso, bese kuphinda kuba abaculi bakwamanye amazwe abahlonishwayo okungoHelen Ting waseChina, Suraj waseKenya no-Euggy waseKenya.
Kwenzeka lokhu nje uShimza usanda kukhipha umucu wakhe i-Places apike kuwyona uphrojusa waseLondon u-Elderbrook.
Ngalo mcimbi uShimza uthembisa lukhulu njengoba ethe akakungabazi ukuthi uzohamba phambili njengoba ebazi abantu baseThekwini ukuthi bayakwazi ukwenza kube mnandi. Ngawo uthe ufuna ukuqhubeka abeke iNingizimu Afrika ebalazweni. Ekhuluma ngeculo lakhe elisha, uthe ubona ukuthi abantu balithandile njengoba naye elithanda. Amathikithi omcimbi aseqalile ukudayisa eWebtickets asuka ku-R350 aye ku-R500.