UQHOSHA ngendoda ezinkundleni zokuxhumana usaziwayo ozishaya isifuba ngokuthi kuphela unyaka, engayazi indoda inqunu.
UNonku Williams uzakhele udumo ohlelweni olugxile empilweni yabesifazane, iReal Housewives of Durban ( Rhod) ekhonjiswa kwiShowmax.
Usaziwayo unameke izithombe ezimbili ekhasini lakhe kwi-Instagram encike kowesilisa angalibhalanga igama lakhe. Embhalweni unxusa ukuthi baphawule abahambisana nakushicilele ekhasini lakhe.
Kuzokhumbuleka ukuthi uNonku, udalule ngoJuni nonyaka odabeni olwaphuma kwiSolezwe ngeSonto, ngokugubha unyaka engayazi indoda inqunu ngemva kokuthatha isinqumo sokushiya phansi umjolo.
Abalandeli bakhe bamhalalisele, abanye bezwakalisa ukuthokozela ukuthi useyajola. Imizamo yokuthola uNonku ayiphumelelanga ngoba ucingo lwakhe belukhala kodwa lungaphendulwa.
Umyalezo athunyelelwe wona kuze kwashaya isikhathi sokushicilela engawuphendulanga