USENGELINYE lamanxusa ezimpahla zikaDJ Zinhle uDJ wesifazane ongaconsi kubantu bakuleli kulezi zinsuku. UDJ Lamiez Holworthy useyinxusa lelebuli i-Era By DJ Zinhle nenekhasi elinezimpahla ezahlukene kwi-Instagram. UDJ Lamiez usememezele ekhasini lakhe lika-Instagram ukuthi ukuthakasele ukuba ingxenye yamanxusa kaDJ Zinhle.
"Ngivuke ngingowesifazane omnyama nosemusha, ngizizwa ngingabambeki. Kuyangijabulisa ukuba inxusa le-Era kaDJ Zinhle," kusho uDJ Lamiez. Ngaphandle kwakhe bakhona nabanye osaziwayo abaziwa ngezimpahla zalo DJ nabalokhu bezikhangisa okubalwa umculi uThabsie nomrepha owumngani wakhe omkhulu uMoozlie.
UDJ Zinhle uziqinisekisile lezi zindaba wachaza uDJ Lamiez njengomuntu onakho konke okudingeka kumuntu ongaba inxusa lale lebuli yakhe. Abalandeli bakhe balokhu bembongele njalo kanti useqalile nokukhangisa ngezinye zezimpahla ze-Era.
Ngaphandle kwalezi zimpahla uDJ Lamiez uphinde aziwe kakhulu ngokugqoka imisiko yabasiki bengqephu bakuleli. Izimpahla zikaLaduma Ngxokolo iMaXhosa ngezinye zezimpahla azibeke ebalazweni nezichaza abaningi uma eziphihle ngazo.