SESIHLULEKE nokuzibamba isilomo somculo wokholo sazwakalisa okukhulu ukukhathazeka ngombhalo omfisela ukufa osusabalele ezinkundleni zokuxhumana. UBetusile Mcinga ongumculi wokholo uveza ukuthi usekhalela amalungu omndeni wakhe ozizithela kumbhalo omfisela ukufa. Lo mbhalo ovela njengobhalwe uTonic Wana nokungaqondakali noma ikhasi langempela, ukhala ngokuthi sekungaze kushone umrepha uRicky Rick ekubeni ekhona lo mculi nokumkhathaza kakhulu.
" Yhini bawo Ricky Rick bekhona obeTusile Mcinga,"kusho lo mbhalo. Kushaye kwazwela kuBetusile lokhu waveza ukuthi okubuhlungu basakhalela uzakwabo okungenzeka ukuthi nokushona kwakhe kunawo nomthelela wobubhoklolo bezinkundla zokuxhumana.
" Umndeni wami, abantu abangithandayo nezingane zami bangawubona lo mbhalo ngami. Ucabanga ukuthi bazozizwa kanjani uma bebona lo mbhalo? ," kubuza uBetusile. Okumkhathaza kakhulu ukuthi abantu abangamabhoklolo ezinkundleni zokuxhumana bakwenza lokhu ngokungabheki umonakalo abawenza kwabanye abantu nemndeni yabo. UBetusile uthe noma yena engakwazi ukubekezelela lesi simo kodwa kunenqwaba yabantu angeke bakumela. Lo Tonic akagcinanga lapho uphinde wabala noReggie nokungenye yezinto abantu esebezigxeke kakhulu ngalo mbhalo.