UPHROJUSA womculo we-House kuleli uPrince Kaybee ugcine ephumele obala wavuma izinsolo zokungathembeki othandweni nesinqandamathe sakhe uZola Mhlongo owayengumsakazi weGagasi FM.
UKaybee uzidonsele amanzi ngomsele ephika ukuthi unomakhwapheni asethandane naye iminyaka emihlanu ngesikhathi kuvela ama-screenshot phakathi kwakhe nowesifazane kwi-DM ku-Instagram. Uthe esaphika lezi zinsolo kwalandelwa ubufakazi obuqanda ikhanda kuTwitter besithombe sikaPrince Kaybee eveze umphambili.
Ngemuva kwalesi sithombe, uKaybee uvele waphumela obala ngokushendeza waxolisa ngokuphoxa intombi yakhe.
“Kubantu engibaphoxile, amabhizinisi engiwamele, intombi yami kanye nomama ngiyaxolisa kakhulu,” kusho yena.
https://twitter.com/PrinceKaybee_SA/status/1389709212914176002?s=20UPrince Kaybee noZola bathola abalandeli abaningi ngemuva kokuvela ohlelweni lukaYouTube iDefiningLove bekhuluma ngothando lwabo nokuthi baqala kanjani ukuthandana.