KUZOSHIYELANA inkundla baculi abahlukene eThekwini kusasa emcimbini waminyaka yonke owaziwa ngeShay'na neWhite Star. Lo mcimbi weWhite Star oqale ngezikhathi ezinzima zokuhlasela kobhubhane lweCovid 19, uzobanjelwa eCafe La Plage eMhlanga ngo-2 kuya ku-6 ntambama. Kulindeleke ukuthi kwiShay'na neWhite Star kushiyelane inkundla uNana Atta, Nomfundo Mo, Naima Kay, Blue, Dot noNhlonipho
Owengamele ezokukhangisa kwaWhite Star eNingizimu Afrika, uMokhele Makhothi uthi kusukela ngo-2020 beqala lezi zinhlelo zokuhambela izindawo nokusebenzisa nabaculi, lilokhu likhuphuke njalo izinga.
"IWhite Star inobudlelwane nezinhlelo zokweseka amaciko. Ngesikhathi sikathaqa sasifuna nokwandisa uhlelo lokweseka amaciko, sibavulele amathuba bakwazi ukwenza imali. Ukuba impumelo kwalokho sibone kungcono siqhubeke nalolu hlelo," kusho Mokhele.
Umphakathi nawo abawuvaleli ngaphandle njengoba benaneziqephu neMetro FM zokuhlomulisa abalaleli ngo-R5 000. Ngaphandle kweTheku, iWhite Star iyaqhubeka nokuhambela izindawo ezahlukene nokuhlomulisa abathengi.