INJABULO ezinkundleni zokuxhumana isilomo somculi wakuleli esizinze phesheya kwezilwandle siveza ukuthi sesizoba umzali kulandela ukuthi sizithwele isithandwa saso. UToya Delazy osezinze eLondon nonkosikazi wakhe u-Alisson "Ally" Chaig kulindeleke ukuthi bathole umntwana maduze njengoba u-Ally ekhulelwe.
UToya uveze ukuthi usekulangazelele ukuba umzali nokukhulisa ingane yabo. Ukuba nonkosikazi onjengo Ally uthe kuyisibusiso kuye futhi akamboni omunye owayengafanelwa ukuba unkosikazi wakhe nokuvusa umuzi kanina naye ngaphandle kwesithandwa sakhe. "Sibonga isipho esihle esiyisimangaliso. Ngiyakuthanda Allison, ukubambisana nawe kuzoba yisimangalisayo. Akekho omunye engingamkhetha ukwakha umuzi kamama,"kusho uToya.
Abalandeli bakhe ezinkundleni zokuxhumana balokhu bebabongele njalo laba bashadikazi. Iningi labo libafisela konke okuhle njengoba bezokhulisa ingane yabo bafunde nezinto ezintsha ngokuba abazali abasebancane. Ngaphandle kwalaba bobabili, baningi nabanye osaziwayo bakuleli okusanda kuvela ukuthi balindele abantwana okubalwa uGugu woZalo, uNomalanga ongumsakazi nabanye.