UBABAZA amandla kaNkulunkulu olokhu emlondolozile umculi wakuleli olokhu ehlabana ngezindondo kulo nyaka.
Ngempelasonto uKelly Khumalo ukhale wemuka nendondo emunxeni weBest Structured Sopie Reality Show kumaSouth African Film & Television Awardsdo, ngohlelo iLife With Kelly Khumalo S3. Lolu hlelo lugxile empilweni kaKelly kusukela ekhaya, emculweni, nakumabhizinisi awenza nezinhlaka ezahlukene.
"UNkulunkulu ulokhu engibusise njalo," kusho uKelly. Eqhuba ubonge abantu ababeneqhaza elikhulu, okubalwa @thegoat.africa @bongapercy @kuda_j @wandabaloyi @anele_siswana @thabiso_lukhanya_khoza @makeupbyminkzz9 @tsotetsikl @samukelohair . Udadewabo ongumculi uZandie Khumalo Gumede naye akasalanga ngaphandle kanjalo noMpho, Mikey, Stitch nalo lonke ithimba elaliyingxenye yokuhlanganiswa kweiLife With Kelly Khumalo S3.
"Bomakhi sikuphindile futhi, isandla phezu kwesinye ezindlondlweni zakithi," kusho uKelly.
Abalandeli bakhe bazithakasele lezi zindaba, okubalwa nabanye osaziwayo abalokhu bembongele ekhasini lakhe le-Instagram.
" UJehovah akafuni ngabakhe, ngiyakubongela," kusho u-iam umsabaungamazi.
"Bayeke bakhulume engathi bayakwazi ukuthi ungubani, bayeke bakhulume kodwa ngeke bakuqede. Ngiyakubongela," kusho uTrevor Sinathi.
UZandie naye umshayele ihlombe udadawebo wamfaka nasekhasini lakhe kwi-Instagram.
"Ngiyakubongela sisi nethimba lonke," kusho uZandie.
UKelly usanda kuhlabana nangendondo ye-Afro Pop Artist of the Year kuBasadi in Music Awards ngo-Agasti emcimbini obuseGoli.
