ZIWUSHAYILE izolo kumculi wesifazane owaduma eqenjini lowokholo elingaconsi phansi kubantu, uMahalia Buchanan.
UMahalia umemezele ukuthi ubophe ifindo likasofa silahlane eSpanish Farm Lodge nesithandwa sakhe uWayne Steins. UMahalia wathenjiswa umshado nyakenye ngo-Ephreli, okwaba yizindaba ezijabulise abaningi.
Izolo luze lwafika usuku olukhulu, okuphinde kwajabulisa abalandeli bakhe abaningi, okubalwa nayeyibambe nabo kwiJoyous Celebration." Sengishadile nesithandwa sami. Ngibonga ithimba elingenze ngaba muhle, izimpelesi, abangani nomndeni ngokwenza usuku lwami,"kusho uMahalia.
Zilokhu zingene njalo izilokotho ezinhle abantu bembongela bemfisela nokuthokomala emshadweni wakhe.
"Ngiyakujabulela kakhulu dali, ngiyanibongela nobabili,"kusho uMaduvha Madima.
"Isiphalaphala sikamakoti, ngiyanibongela mndeni,"kusho uNtokozo Mbambo.
"Ngiyakubongela ndlovuvakazi enhle,"kusho uNhlanhla Mafu.
