QHUDE manikiniki zindala zombili, kumaDStv Mzansi Viewers' Choice Awards (DStvMVCA) eSun Arena, ePitoli, namhlanje.
Uhlelo lwalo mcimbi ozobe ukhonjiswa bukhoma kuMzansi Magic (DStv Channel 161), luzobe luphethwe ngumlingisi onguZolani kwiThe River, uLawrence Maleka.
Umculi wekwaito futhi ongumlingisi weGomora, uThembi Seete, uthe ujabule kakhulu ngokuqokwa.
"Lokhu kuqokwa kusho lukhulu kimi. Ngiyabonga kakhulu," kusho uThembi olingisa indawo kaGladys.
Le ntokazi eyaduma ngokucula kwiBoom Shaka, iqhathwe noSannah Mchunu onguZodwa kwiGomora, Zikhona Sodlaka onguMandisa kwiThe Wife, Deli Malinga onguMaMzobe kuMkhokha noShoki Mmola onguCelia Kununtu kwiSkeem Saam.
UThando Thabethe, ongumsakazi we-947, uthe ujabule futhi wabusiseka ngokuqokwa.
"Kusewunyaka kuphela singenile. Ukukhuluma iqiniso nje, bengingalindele. Nakuba kunjalo kodwa sihlala sijabule futhi siyathanda ukugodukisa abantu eGoli. Ngakho lokhu kuqokwa kuyathokozisa kakhulu," kusho le ntokazi elingisa kwiHousekeepers.
UThando uqokwe emunxeni weFavourite Radio Personality noSelbeyonce Mkhize woKhozi FM, Thomas Msengana noSkhumba Hlophe beKaya FM noLerato Kganyago weMetro FM
UKwenzokuhle Ngcobo onguQhawe kwiThe Wife, uthi umzuzu aziqhenya kakhulu ngawo lo.
"Lena ayize ekhaya," kubhala le nsizwa eqhathwe emkhakheni weFavourite Rising Star nomsakazi weMetro FM, uHope Mbhele; umculi wamapiano uYoung Stunna, uDJ Uncle Vinny nomculi wama-piano uDaliwonga.
Kweminye iminxa kuqhathwe kanje:
FAVOURITE SONG: Zakes Bantwini& Kasango- Osama; Kabza De Small& Maphorisa- Asibe Happy, Young Stunna- Adiwele, Makhadzi - Ghanama noBig Zulu- Imali Eningi.
FAVOURITE TV PRESENTER: Motshidisi Mohono, Lawrence Maleka, Leanne Manas, Thembekile Mrototo noThuso Motaung.
FAVOURITE COMEDIAN: Skhumba Hlophe, Mpho Popps, Celeste Ntuli, Nina Hastie noMashabela.
FAVOURITE RADIO PERSONALITY: Thomas Msengana& Skhumba Hlophe, Selbeyonce Mkhize, Lerato Kganyago, Thando Thabethe noSphectacular & Naves.
FAVOURITE ACTOR: Abdul Khoza, Zolisa Xaluva, Thapelo Sebegodi, Bonko Khoza noVusi Kunene.
FAVOURITE ARTIST/GROUP:
Makhadzi, Hle, Zakes Bantwini, Big Zulu neScorpion Kings (Kabza De Small& Maphorisa).
FAVOURITE DJ: Scorpion Kings, DBN Gogo, Major League DJs, De Mthuda noShimza.
FAVOURITE SPORTS PERSONALITY: Rassie Erasmus, Ntando Mahlangu, Pitso Mosimane, Temba Bavuma noBenni McCarthy.
FAVOURITE PERSONALITY: Makhadzi, Shauwn Mkhize, Connie Ferguson, DBN Gogo noLasizwe.
Nababukeli abathathu ebebevota basethubeni lokugoduka sebeseshayela izimoto zakwaKIA.