KUBE usuku olukhulu namhlanje kumlingisi wakuleli kutheleka indondo yakhe akade eyilindele ngabomvu ayiklonyeliswe eNigeria. Nyakenye uThembi Seete wahlabana ngendondo ye-Africa Choice eLago, yeFemale Movie Star ka-2022. UThembi umemezele ukuthi seyisezandleni zakhe le ndondo njengoba engazange akwazi ukuyamukela ngosuku lomcimbi.
Ube esenameka izithombe ezahlukene eyiphethe kanjalo nobufakazi bepheshana elichaza umunxa ahlomule kuwo.
"Indondo yami isifikile. Ngithanda ukuqala ngibonge uNkulunkulu, umndeni wami nabama-Africa Choice Award ngokungihlonipha. Ngiyathobeka, le ndondo isho lukhulu kimi, ngiyabonga nakini bakwethu ngokungeseka," kusho uThembi.
Zibajabulisile lezi zindaba abalandeli bakhe njengoba ilokhu ingene njalo imiyalezo emhalaliselayo.
"Halala ngiyaziqhenya ngawe,' kusho uMpondomse.
"Ngiyakubongela konke ukwenza ngothando," kusho uLulama Wotothi.
"Siyakubongela Thembi, awusixoxele kunjani ukudla kwakhona," kubuza uShwemza Sawana.
