UMCULI we-Afrosoul, uSamthing Soweto, ubonga uthando nemilayezo yokumeseka.
Lo mculi, ogama lakhe langempela uSamkelo Lelethu Mdolomba, usenikeze abantu isiqiniseko sokuthi akaguli njengoba abalandeli bakhe abaningi bekhathazwe ukubona izithombe zakhe ehle kakhulu emzimbeni.
Le nsizwa inikele ezinkundleni zokuxhumana ne-video echaza ukuthi akukho ukufa okuyihlasele kodwa ukushintsha kwendlela ebukeka ngayo kwenziwe wukushintsha kwendlela aphila ngayo.
“Kunezinto engingasazenzi, kunezinto engingasazidli, yisona sizathu esenze yashintsha indlela engibukeka ngayo,” kusho yena.
Uthe uyalamukela uthando ngoba kuningi abhekene nakho okwamanje.
“Ngiyabonga ngemilayezo engiyitholayo nama-email, maningi kakhulu amanye ngeke ngikwazi ukuwaphendula. Kuyajabulisa ukuthi nathi singosaziwayo nisibonise uthando ngale ndlela ngoba kwesinye isikhathi sinokuzizwa sengathi anisinakile noma nisikhohliwe,” kusho yena.
Samthing Soweto is appreciative of the love and support he is receiving from his fans.
— Musa Khawula (@MusaKhawula) May 23, 2022
Samthing Soweto says he is not sick but is definitely going through something. pic.twitter.com/edas9GufcO