ABATHANDI beziphuzo ezishisayo kuleli banesizathu esihle sokuthokozela okusha okuvela kubakhiqizo beScotch whisky, iJohnnie Walker, njengoba yethula isiphuzo esisha iJohnnie Walker Elusive Umami.
Lesi siphuzo esithakwe ngezinongo ezahlukene, siqale ukutholakala eNingizimu Afrika kuyo le nyanga.
Abaningi bazozibuza ukuthi zinguquko zini ezenziwe kulesi siphuzo esithandwa kangaka? Impendulo ilula, izithako ezimnandi zezinongo ezahlukene ezehla esiphundu.
Ukusebenza ngokubambisana kweMaster Blender, u-Emma Walker nompheki ohlonishwa kakhulu emhlabeni jikelele, uKei Kobayashi kuthele izithelo ezinhle ngalesi siphuzo.
Laba basebenze ngokuzikhandla ukusebenzisa izithako zezinongo ezahlukene ukukhipha ukhilimu wesiphuzo esinambitheka kamnandi.
UThembeka Mgobozi oyi-Innovation Manager eDiageo South Africa, uthi lo mkhiqizo uwubufakazi bokuzinikela kwabo ekusebenziseni ubuciko obukhethekile ukulethela abathandi be-whisky ubumnandi obuhlukile.
“I-Johnnie Walker Elusive Umami iwubufakazi bokuzinikela kwethu ekusebenziseni ubuciko obukhethekile ukunilethela isiphuzo esimnandi.
Sikholwa wukuthi i-whisky enhle ngethakwe kamnandi ngezithako ezinambitheka kahle. Yingakho i-Umami ikulethela ukunambitheka okwehla esiphundu, okuhambisana namakha athokozisayo,” kusho uMgobozi.