UTHEMBISA ukuhleleka nokuphepha kubantu abazobe behambele umcimbi wokuqala, i-All White In Vegas eNuz Lounge eMlaza, uLuyanda Mahlambi osezakhele igama ngokuba uDJ, kuleli lokishi.
ULuyanda manje osenendawo yobumnandi, iNUZ Lounge, uzokwenza lo mcimbi ngoMgqibelo, nala kuzobe kunandisa khona oDJ abahlukene okukhona kubo uSithelo, Naked Boyz, Goldmax, Kususa, DJ Cndo, Jnr B, Worst Behaviour, Pepino nabanye.
Ekhuluma neSolezwe, uLuyanda uthe le ndawo yobumnandi osekungeyakhe, uqale ukusebenza kuyona edlala njengoDJ masonto onke, futhi uhlele ukuthi ibe nemicimbi emikhulu kuleli lokishi.
“Kulo mcimbi sifuna abantu bezojabula nathi njengoba sisanda kuvula ngakho sithi abazoyibona njengoba ngihlele ukuthi kube indawo ezohlala iba nemicimbi emikhulu kuleli lokishi futhi ngifuna idume kanjalo. Ngakho kuzoba indawo esezingeni impela njengoba sizoqhubeka nokuyilungisa ngemuva kokuyithenga kulabo akade beyiphethe. Ngonyaka ozayo, sihlela ukwenza umcimbi omkhulu la kuzobe kukhona abaculi abakhulu kuleli,” kusho uLuyanda.
Uthe kwesinye isikhathi, abantu bayakhathazeka ngezokuphepha uma beza emalokishini kodwa uyabaqinisekisa ukuthi abafike ngobuningi.
Uveze ukuthi amathikithi alo mcimbi azobe etholakala kusuka kuR100, R150 kuthi iVIP ibe uR200.