Sekuphinde kwagadla ukufa kwezokusakaza kuthatha umsakazi woMhlobo Wenene uMfundisi Nomonde Vakalisa ekuseni ngoLwesithathu.
Umphathi woMhlobo Wenene uLoyiso Bala umemezele emoyeni ekuseni ukuthi uNomonde (47) ushone ngoLwesithathu ekuseni ngemuva kokugula isikhashana.
"Umfundisi Nomonde ubengeyena umsakazi ozinikele kuphela kodwa ubeyiphimbo elibuyisa ithemba kwabaningi. Ubengumholi wakwamoya. Igalelo lakhe emoyeni nangaphandle lizoshiya isikhala esingavaleki emsakazweni nasezinhliziyweni zabalaleli," kusho uLoyiso.
Uthe imininingwane ngezinhlelo zomngcwabo izoqinisekiswa ngokuhamba kwesikhathi.
Ucelele umndeni imithandazo.
Umndeni ufake isitatimende ekhasini lakhe lapho uqinisekise khona ukudlula kwalo mholi webandla iThy will Ministries eGqeberha.
Abantu bazwakalise ukuphatheka kabi ngokudlula kwakhe.