USASHAQEKILE owesifazane waseDaveyton ohlaselwe wumfowabo efuna ifa likamfowabo omdala.
Owesifazane oneminyaka engu-35 uthe ngomhla ka 20 kwephezulu wayesekhaya ngesikhathi umfowabo (42) engena egumbini lakhe lokulala ethi ufuna imali eyashiywa ngumfowabo omdala.
Uthi wamphendula ngokuthi akahambe ayoyifuna lapho ayesebenza khona umfowabo.
“Yilapho umsolwa akhipha khona isibhamu wamtshela ukuthi akayikhiphe imali, uthe umgilwa wazama ukubaleka kodwa umsolwa wamdonsa emshaya, kwathi uma evika, umsolwa waqhubeka nokumshaya,’ kusho amaphoyisa kaMasipala waseKurhuleni.
Umgilwa wavula icala lokusabisa nokushaya emaphoyiseni aseBronberg. Umsolwa wabanjwa ngemuva kwezinsuku ezimbalwa lapho ehlala khona, kwatholakala nesibhamu esizohlolwa ngesikhathi kuqhubeka icala.