KUBOSHWE abasolwa ababili ngecala lokubulala ikhansela. Laba basolwa babanjwe ngemuva kwesikhashana besanda kubulala leli khansela, baphinde balimaza nomunye umuntu obesemotweni. Lesi sehlakalo senzeke endaweni yase, Unit 14 eMbali, eMgungundlovu, ngoLwesihlanu ntambama.
Amaphoyisa athintiwe mayelana nokudubula okwenzeka kule ndawo. “Abasolwa kuthiwa baqonde emotweni ebeyihamba ikhansela bafike bavulela ngenhlamvu. Umshayeli wemoto ebeyihamba ikhansela uzamile ukubaleka kodwa wahluleka ukulawula imoto, yashayisa emzini womuntu. Ikhansela elineminya engu-45 liphuthunyiswe esibhedlela nokuyilapho elifike lashonela khona. Akekho olimele kulomuzi ongenwe yimoto,”kuchaza uColonel Robert Netshiunda.
Uthe lababasolwa ababanjiwe baneminya engu-24 omunye una 27, babekwe icala lokubulala nelokuzama ukubulala.