IYAQHUBEKA impi yokulwela isihlalo semeya kuMasipala waseGoli kulandela imiphumela yasenkantolo ngesikhalo esafakwa nguDkt Mpho Phalatse.
Udokotela wanikela eNkantolo eNkulu yaseGoli ekhala ngokuthi akulandelwanga inqubo efanele ngesikhathi kuba nomhlangano wevoti lokumgudluza esihlalweni semeya.
Ngemuva komhlangano kwamenyezelwa ukuthi isikhundla semeya sesithathwe nguMnuz Sello Dada Morero we-ANC okhethwe ngemuva kokubambisana namaqembu amancane kwazise alikho iqembu elakhonya ngesikhathi sokhetho lomasipala ngonyaka odlule.
UDKT Phalatse uyineke ezinkundleni zokuxhumana imiphumela yesinqumo senkantolo. Uveze nokuthi uyabuyela emsebenzini ngoLwesithathu.
