UQOKWE kumaSebenza Women Awards ongusomabhizinisi wesifazane waseThekwini, uNkszThandiswa Ngubo (23). Unebhizinisi elidayisa ngokudla eliseSnell Parade, eNorth Beach. Uthe ukuqokwa kwakhe kumlethele injabulo ngoba kuveza ukuthi abantu bayakubona ukuzikhandla kwakhe ekubeni ngusomabhizinisi wezokudla osamncane.
UNksz Ngubo uthe waphuma enyuvesi onyakeni wokugcina ngenxa yokuthi wayesebone indlela yokuziphilisa ngamabhizinisi futhi okugqugquzelayo yilokho afisa ukuba yikona kusasa.
Uthe wangena ebhizinisini ngonyaka u-2021, edayisa izikhwama kwi-nternet futhi lokho kwamenza wagcina esefisa ukuqhubeka nokuba wusomabhizinisi.
“Okunye okungigqugquzelayo wukuthi ngisize abasebenzi bami abahlanu, ukuthi baziphilisi nemindeni yabo. Kungilethela intokozo ukuthi nami ngibe nendima engiyihlakulayo ekwehliseni izinga labantu abangasebenzi,” kusho uNksz Ngubo.
Uthe izingqinamba abahekene nazo ekubeni wusomabhizinisi wukuthi ngesinye isikhathi kuke kungabi nenzuzo elingene ukukhokhela indawo yebhizinisi nezindleko zalo.
“Bekunzima kakhulu ezinyangeni ezidlule kodwa isinqandamathe sami nomndeni wami bayangeseka kakhulu ezikhathi ezinzima,” kusho uNksz Ngubo.
Uthe esingakulindela kuye eminyakeni ezayo wukukhula nokuthi avule ezinye izindawo zokudla ukuze kwakheke eminye imisebenzi.
Unxenxe abantu ukuthi bamuvotele nge-SMS ethi Thandiswa Ngubo-Women kule namba-34604.