UMISIWE uthishanhloko wesikole samantombazane iPretoria Girls' High, kuqala phansi izinsolo zokucwasa kulesi sikole.
Lokhu kudalulwe nguMphathiswa wezeMfundo eGauteng, uMnuz Matome Chiloane, wathi ukumiswa kukathishanhloko kwenziwe ngenhloso yokuqapha ezokuphepha.
UMphathiswa uhambele esikoleni ngoLwesibili ntambama lapho etshele khona abebekhona ukuthi uPhillipa Erasmus, uzohlala ekhaya izinyanga ezintathu kuze kuphothulwe uphenyo mayelana nezinsolo zokucwasa.
U-Erasmus waqashwa kulesi sikole ngo-2018 ngemuva kokuba kusuke izidubedube zokucwaswa kwabafundi bebala elinsundu ezaqala ngo-2016.
Abafundi abangu-12 kulesi sikole bamisiwe ngenxa yokuthinteka ezinsolweni zokucwasa okwenzeke enkundleni yeWhatsApp yabamhlophe kuphela.