IPHINI likaMengameli wezwe, lithe abantu kumele bakhumbule ukuthi uMntwana wakwaPhindangene uMangosuthu Buthelezi, okhothame ngoMgqibelo ekuseni ekhaya eMahlabathini, usebenzile noMengameli waseZimbabwe ongasekho uRobert Mugabe, noDkt Robert Sibukwe, noDkt Oliver Reginald Tambo, futhi usebenzile kuhulumeni wentando yeningi.
Uthe uShenge akashongo ukuthi i-ANC ne-IFP akuhlangane kodwa uthi wacela ukuthi kusebenzisane. “Nizokhumbula futhi eseseNyuvesi iFort Hare ukuthi wayijoyina i-ANCYL,” kuchaza uMashatile.
Uthe uyazi ukuthi kukhona abalindele ukubhala, wanxusa ukuthi okwamanje lesi yisikhathi sokuzila, abake bame kancane.
UMashatile uthe uzomkhumbula kakhulu uShenge ngokuthobeka kwakhe futhi usebenzile kakhulu naye ngesikhathi esesePhalamende, ephethe uMnyango wezobuCiko namaSiko.