INKANTOLO yesiFunda eThekwini igwebe owesilisa iminyaka eyisishiyagalombili ebhadla ejele.
UNjabulo Ncube ulahlwe ngamacala okugqekeza ngenhloso yokweba nokuntshontsha.
Kuthiwa lawo macala enzeka ngesikhathi sezibhelu ezenzeka KwaZulu-Natal ngonyaka odlule.
“UNcube nabanye bagqekeza esitolo esiseMbilo bazitapela kokwakuphakathi. Laba baboshwa ngamaphoyisa ayedlula kule ndawo,” kusho uNatasha Ramkisson-Kara okhulumela abeNPA.
Enkantolo uNcube waveza ukuthi akazukuba nayo indlela yokukhokhela izindleko zikaR27 000 zokulimaza impahla noma akhokhe inhlawulo.
Lokho kuholele ekugwetshweni kwakhe, ithimba labashushisi ebeliphethe leli cala lisamukele isigwebo.