UMHOLI weqembu eliphikisayo eZimbabwe, iCCC uMnuz Nelson Chamisa, ukubeke kwacaca ukuthi lolu khetho oluqhubekayo kuleli zwe ngeke lube ngolukhululekile. Ukusho lokhu esikhungweni sokuvota ekhuluma nabezindaba.
UChamisa ukhala ngezinye izikhungo okuvotwa kuzona, wathi kunokwenzelela. Ubalule iHarare, okuyinhloko dolobha yaseZimbabwe, wathi kunenkinga enkulu. Uthe isimo asihambi kahle eHarare. “Sebeqalile ukwenza izinto ezibheke eceleni,” kukhononda uChamisa.
Ngakolunye uhlangothi umholi weZanu PF, uMnuz Emmerson Mnangagwa, uthe akangabazi ukuthi uzowudla umhlanganiso. Kuzoba yihlandla lesibili leli ephethe uMnangwaga uma ephumelela kulolu khetho.