Abezimo ezphuthumayo ngaphansi kwenkampani i-IPSS Medical Rescue baqinisekise ukutholakala kwesidumbu sowesilisa owamuka emfuleni uThukela, eMandeni ngeSonto.
Kubikwa ukuthi lo mlisa oneminyaka engu-21 ubudala wamuka kulo mfula ngeSonto ntambama. Abe-IPSS Medical Rescue nabeMpangeni Saps Medical Rescue basebenza kusukela ngeSonto ntambama behla nomfula bethungatha lo mlisa, kukhona amalungu omndeni nomphakathi belindile eceleni komfula.
NgoLwesibili emini, amaphoyisa ophiko lwezinja baseshe enye ingxenye yalo mfula, ngenhlanhla satholakala lapho isidumbu salo mlisa.