IBOSHIWE indoda engeyokufika eNingizimu Afrika etholakale nensada yezidakamizwa ezingabiza uR500 000 okusolakala ukuthi ibiizidayisa.
Umsolwa oneminyaka engu-44 uboshwe amaphoyisa emuva kokuthi egasele eflethini lakhe eliseMbilo, eThekwini ngoMsombuluko.
Okhulumela amaphoyisa KwaZulu-Natal, uColonel Robert Netshiunda, uthe amaphoyisa alunywe indlebe ngendoda obekuisolakala ukuthi idayisa izidakamizwa eflethini elisemgwaweni uMelbourne.
“Sibe sesithola incwadi yenkantolo esigunyazayo ukuba siseshe le ndawo. Iseshiwe, umsolwa watholakala nezidakamizwa okukhona kuzona izingcezu ze-cocaine nempuphu yewunga (heroine),” kusho uNetshiunda.
Uqhube wathi izidakamizwa ezitholakele zibiza ngaphezu kukaR500 000.
Kulindeleke ukuthi umsolwa avele eNkantolo yeMantshi yaseThekwini ngoLwesibili ngecala lokuhweba ngezidakamizwa.