INYUVESI yaKwaZulu-Natal ixwayisa izitshudeni ngobugebengu obenziwa ngosomathuba uma kubhaliswa ezikhungweni zemfundo ephakeme.
Le nyuvesi ithi zivamile izigameko ezifana nalezi uma unyaka usaqala. Esikhathini esiningi, izinswelaboya zithembisa izitshudeni ezintsha uxhaso lwemali yokufunda, indawo ehlala abafundi nezinye izinsiza ezingalekelela izitshudeni uma sekufundwa.
Ngokwesitatimende esikhishwe i-UKZN, lesi sikhungo asikhokhisi mali ngalezi zinsiza.
“Inyuvesi iyazi ngezigilamkhuba ezizenza amalungu esigungu esibhekelele abafundi ophikweni lwe-EFFSC, ezimema abafundi ukuba bafike ezikhungweni ukuze bazobasiza kahle,” kusho le nyuvesi ngesitatimende.
Inqubo yokubhalisa iyenziwa ngezinsiza zobuchwepheshe besimanje nokusho ukuthi isitshudeni asidingi ukuzivikela sona esikhungweni uma sifuna ukubhalisa, singangena kwi-website yesikhungo sibhalise.