UYAVELA namuhla eNkantolo yeMantshi e-Atteridgeville owesilisa oneminyaka engu-48 ubudala, obhekene necala lokubulala ummeli (50) eLaudium ePitoli.
Kubikwa ukuthi ngomhla ka-31 Disemba ngo-5.45 ntambama amadoda amabili abemi emgwaqweni ngesikhathi kuqubuka ingxabano phakathi kwawo.
“Oyedwa wabo ukhiphe isibhamu wadubula omunye,” kusho uLieutenant Colonel Mavela Masondo, okhulumela amaphoyisa aseGauteng.
Umgilwa ufe ekhona lapho. Ngokuhamba kwesikhathi kuvele ukuthi umufi ungummeli.
Umsolwa uboshwe ekhona lapho, wabekwa icala lokubulala kwathathwa nesibhamu okukholakala ukuthi sisetshenzisiwe ukubulala.