IZITSHUDENI zaseDurban University of Technology (DUT)zinqobe emncintiswaneni wokubhala izindatshana.
Umcintiswano ohlelwe ihhovisi lenxusa laseChina elikuleli obekuqhudelana kuwo izitshudeni zasemanyuvesi ehlukene akuleli owaziwa nge-Xi Jinping’s Thought Through South African Students’ Eyes, ubuseTshwane ngempelasonto.
Izitshudeni zaseDUT beziyingxenye yezitshudeni ezingu-59 eziphuma emanyuvesi ayisithupha ebezingenele umncintiswano.
Izitshudeni beziphuma eDUT, University of Johannesburg (UJ), University of Cape Town (UCT), Stellenbosch University (SU), Rhodes University (RU) nase-University of Western Cape (UWC).
Phakathi kwezitshudeni eziwine kulo mncintiswano kubalwa uMnuz Vuyo Gxekwa, owenza izifundo zeMechanical Engineering owine umklomelo wenxusa i-Ambassador Prize ngendatshana ayibhalile ekhuluma ngeqhaza elibanjwe umengameli waseChina ohlelweni lokuthuthukisa umhlaba, ethi: “The Global Development Initiative: How Useful and Prudent is Xi Jinping’s Global Development Initiative for Advancing the Wellbeing of Humanity?” uNksz Ziphezinhle Khonyane, owenza izifundo ze-Applied Management odle umhlanganiso ngendatshana ayibhalile ekhuluma ngokubambisana okusezingeni kwamazwe akwiBrics , ethi: "High-Quality Co-Operation In Brics", uMnuz Dhashen Sevenundan, owenza izifundo zobuntatheli obebhale indatshana ekhuluma ngoxolo emhlabeni, ethi: “World Peace Is China’s Fortress”.
Abanye abafundi abaphume indawo yesibili kulo mncintiswanonguMnuz Mcebo Linda, owenza izifundo ze-Industrial Engineering obhale indatshana ekhuluma ngokuphatha kukahulumeni waseChina ethi: "China’s National Governance System" noNksz Thandeka Luthuli, owenza izifundo zeFinancial Accounting obhale indaba ekhuluma ngokwakhiwa komphakathi ozokwazi ukubambisana ngesikhathi esizayo, ethi: "Building a Community of a Shared Future".
Izitshudeni ezilale indawo yesithathu uMnuz Kwanyana Qiniso, owenza izifundo zeFinancial Acccounting ubhale indaba ekhuluma ngokusebenzisana ethi:" The collaboration", uMnuz Mfundo Phonswa owenza izifundo ze-Information Technology obhale indatshana ekhuluma ngokwakhiwa komphakathi ozokwazi ukwabelana ngesikhathi esizayo, ethi: "Build a Community with a Shared Future for Mankind", uNksz Lebogang Mononyane, owenza izifundo zeSomatology obhale indatshana ekhuluma ngokwakhiwa komphakathi ozokwazi ukwabelana ngesikhathi esizayo, ethi: "Building a Community of a Shared Future", uMnuz Sanele Ntuli, owenza izifundo zeMechanical Engineering obhale indaba ekhuluma ngokuqedwa kobubha, ethi: " Poverty Eradication".
Iphini likashansela elibambile ophikweni iResearch Innovation and Engagement, uSolwazi Keolebogile Motaung, ebongela izitshudeni eziphumelele kulo mncintiswano, uthe: “Ngiyazibongela izitshudeni ezidle umhlanganiso kulo mncintiswano. Egameni lawo wonke amanyuvesi abebambe iqhaza kulo mncintiswano, sifisa ukubonga ihhovisi lenxusa laseChina elikuleli elixhase umncintiswano Inxusa laseChina elikuleli,” uMnuz Chen Xiaodong, libonge zonke izitshudeni ebezibambe iqhaza emncintiswaneni.