Amaphoyisa athungatha abasolwa okuthiwa badubule babulala abantu abane abebehleli emjondolo e-Uganda eMlaza ngoLwesine ebusuku.
Ngokombiko wamaphoyisa abasolwa ababalelwa kwabayisithupha bangene kulo mjondolo obekuphuza kuwo abagilwa bafuna amaselula. Abagilwa banqabile nawo, oyedwa wabasolwa wakhipha isibhamu wadubula kwashona abathathu.
Ngesikhathi abasolwa sebephuma emjondolo kuthiwa bahlangane nomunye obephuma endlini encane naye bamdubula.
Naye lo wesilisa wesine kuthiwa unqabile ukubanika iselula. Amaphoyisa acela ongaba nolwazi olungaholela ekuboshweni kwabasolwa ukuba baxhumane namaphoyisa aseduze noma bashayele inombolo yokubika ngobugebengu u-08600 10111.