SEKUBOSHWE omunye umsolwa ecaleni lokweqa kukaThabo Bester.
Ngokombiko okhishwe amaphoyisa ngeSonto ntambama, kuboshwe owesilisa oneminyaka engu-31 ubudala odabuka kwelaseZimbabwe.
Lo msolwa uboshwe ngeSonto ekuseni eGoli.
“Okwamanje lo msolwa ubhekene necala lokusiza isiboshwa seqe ejele ngokungemthetho,” kusho amaphoyisa ngesitatimende.
Amaphoyisa aveze ukuthi kungenzeka andiswe amacala azobekwa lo msolwa.
Kulindeke ukuthi vele enkantolo yeMantshi eBloemfontein ngoLwesibili 13 Juni 2023.
Bayisishiyagalolunye abantu asebaboshiwe ngodaba lukaThabo Bester kanti amaphoyisa athi kungenzeka sande isibalo sabantu abazobushwa ngalolu daba..