AMAPHOYISA aseTubatse ngaseBurgersfort aphenya icala lokubulala ngemuva kokugwazwa kubulawe owesilisa (18) ejoyintini.
Ngokwemibiko etholwe ngamaphoyisa, izelamani ezimbili ezineminyaka engu-16 no-19 ubudala zigwaze zabulala ibhungu ejoyintini elisePraktiseer ezintatha izolo ngomhla ka-26.
“Amaphoyisa afike endaweni yesigameko athola umgilwa enamanxeba okugwazwa. Abaseshi abebephenya leli cala basheshe balandela umkhondo wabasolwa. Abasolwa baboshwe ngo-10.15 ekuseni,” kusho uBrigadier Motlafela Mojapelo.
Kulindeleke ukuthi bavele eNkantolo yeMantshi ePraktiseer ngoLwesithathu ngecala lokubulala.