LISHAYELWE izandla ithalente lentsha yaseNanda, KwaMashu naseNtuzuma ebingenele umncintiswano weGospel Icon Discovery, wokuthungatha labo abanethalente lokucula. Lo mcimbi ubuhlelwe nguMasipala weTheku.
Lo mncintiswano obuyizolo ububanjelwe ehholo elikwaBester, eNanda.
USimon Ntuli ongumgqugquzeli womncintiswano, uthe libamangaze kakhulu ikhono abalifice emalokishini abebewahambele izolo njengoba intsha eqhamuka kuwo ikhombise ukuwulambela umkhakha womculo.
"Amajaji abheke ukuthi kubantu abangenela umncintiswano babonise ithalente labo elicashile. Okwamanje sigcizelela ukuthi abantu balethe lona lelo thalente. Kuzothi ngokuhamba kwesikhathi kube nohlelo lokuqeqeshwa kwalabo abazolokhu behlungwa emncintiswaneni," kusho uNtuli.
Iminyaka yabantu abavumeleke ukungenela emncintiswaneni weGospel Icon Discovery iqala ku-16 kuya ku-35.
Phakathi kwezinye zezindawo ezizohanjelwa kuthungathwa intsha enethalente lokucula iseThongathi, Hammarsdale, Umlaza naseStable Theatre eThekwini,