I-Independent Communications Authority of South Africa (ICASA) ikhiphe isinqumo ecaleni eliphakathi kweSABC neqembu lepolitiki iDA mayelana nesikhangiso saleli qembu sokhetho.
Kuleli cala i-ICASA ithe lo msakazeli womphakathi kumele uhlawule imali engangoR500 000 ngokunqaba ukudlala isikhangiso seDA esibonisa ukushiswa kwefulegi laseNingizimu Afrika. Lo mqondisi wezokuhumana uveze ukuthi iSABC kumele ikhokhe le mali kungakapheli izinsuku eziyisikhombisa.
I-SABC iveze ukuthi isacwaninga isinqumo se-ICASA kanti isazofuna izeluleko ezifanelekile ukuthi ithathe izinyathelo eziqondile.