AMAPHOYISA anxusa umphakathi ukuba ulekelele ngolwazi olungaholela ekuboshweni kwabasolwa ngokubulala abantu ejoyintini eliseNomzamo, e-Orlando East, eSoweto.
Kukhishwe incwadi egunyaza ukuboshwa kwabasolwa abahlanu, uSarel Lehlanya Sello, Tshepiso Elliot Radebe, Thabang Radikatara, Tshidiso Moleko noKeletso Rabasotho ngamacala angu-16 okubulala nayisikhombisa okuzama ukubulala.
“Kunxuswa umphakathi ukuba uxhumane namaphoyisa ngolwazi olungasiza ukuthi kutholakale abasolwa,” ngokombhalo wesitatimende samaphoyisa.
Uma kukhona onolwazi angaxhumana noColonel Friccah Masilela ku-082 822 7270 noSergeant Ndlovu ku-065 962 4329. Abafuna ukugcina imininingwane yabo iyimfihlo bangashayela ku-08600 10111.