Amaphoyisa aKwaZulu-Natal asephume inqina athungatha abasolwa abadubule babulala amadoda ayisithupha eMlaza, eThekwini, esigcemeni saseV6 ngoMgqibelo ebusuku.
Kuthiwa abagilwa bebehleli ngaphandle emqashweni wabo bephuza ngesikhathi kutheleka amadoda angaziwa avulela ngenhlamvu.
Okhulumela amaphoyisa KwaZulu-Natal, uColonel Robert Netshiunda, uthe abasolwa badlulele kumnikazi wendlu naye bamdubula nomunye obesendlini.
Uthe abasolwa badubule nomunye wesilisa obesendleleni.
“Bonke abagilwa abaneminyaka ephakathi kuka-20 no-40 bafele endaweni yesigameko.”
Uthe imbangela yokuhlasela ibingakaziwa okwamanje.
“Amaphoyisa anxusa ongaba nolwazi mayelana nesigameko nokuthi abasolwa bakuphi athinte isiteshi samaphoyisa esiseduzee noma ashayele ku-08600 10111.”