IMOTO: NISSAN NAVARA
KUSHINTSHA ukwenza kwiNissan Navara njengoba kwandiswe izinhlobo futhi isikhiqizwa eNingizimu Afrika okokuqala ngqa.
INavara ethuthukisiwe yakhiwa efemini yakwaNissan, eRosslyn, ePitoli lapho ivala khona isikhala seNP300.
Izinhlobo zeNavara ezisemakethe zihlukene ka-17 nokukhona kuzo ezingama single cab kanjalo nama-4x2 nama-4x4.
Indlela ebukeka ngayo ngaphandle ishintshwe kancane njengoba inamarimu amasha, kwalulwa isikhenke, amaLED headlamps namafog lamps. Ngaphakathi isiteringi sisha kanjalo nezihlalo ozithola ngendwangu noma isikhumba.
Bathi futhi baphinde banciphisa nomsindo ongena ngaphakathi.
Inenkombandlela kwi-8 inch touchscreen infotainment system, izindawo ezine zokushaja, Bluetooth okwazi ukuxhuma amaselula amabili kanye kanye, aircon nezimbobo ngemuva nezibuko ezishisayo emaceleni.
Ngaphansi kwebhonethi kukhona injini engu-2.5 litre turbodiesel engena esikhaleni sengu-2.3 litre. Inamandla angu-140kW netorque engu-450Nm. Kukhona nenye eyehliswe amandla bawena aba ngu-120kW netorque engu=403Nm.
Kukhona nekaphethroli engu-2.5 litre efuqa 118kW netorque engu-233Nm etholakala kwisingle cab.
Ugearbox kukhona oyi-7 speed oshintshwayo noyi-6 speed oshintshwayo.
Ngakwezokuphepha ifika neNissan Intelligent Mobility ehlanganisa ukuthi ibike uma izoshayisa ngaphambiili, izibhrekele uma umshayeli enganakile, iyakwazi ukubona uma umshayeli esekhathele bese iba namakhamera asiza ugweme ukuyikwebha.
Intengo
NAVARA 2WD - DOUBLE CAB
NAVARA 2.5D SE 4X2 MT DC R474 000,00
NAVARA 2.5D SE 4X2 AT DC R498 000,00
NAVARA 2.5D SE Plus 4X2 MT DC R505 000,00
NAVARA 2.5D SE Plus 4X2 AT DC R528 000,00
NAVARA 2.5D LE 4X2 AT DC R606 000,00
NAVARA 2.5D PRO-2X 4X2 AT DC R686 000,00
NAVARA 4WD - DOUBLE CAB
NAVARA 2.5D SE 4X4 MT DC R552 000,00
NAVARA 2.5D SE Plus 4X4 MT DC R580 000,00
NAVARA 2.5D LE 4X4 MT DC R660 000,00
NAVARA 2.5D LE 4X4 AT DC R677 000,00
NAVARA 2.5D PRO-4X 4X4 AT DC R740 000,00
NAVARA 2WD - SINGLE CAB
NAVARA 2.5 Petrol XE 4X2 MT SC R311 000,00
NAVARA 2.5D XE 4X2 MT SC R350 000,00
NAVARA 2.5D SE 4X2 MT SC R426 000,00
NAVARA 2.5D LE 4X2 MT SC R456 000,00
NAVARA 4WD - SINGLE CAB
NAVARA 2.5D 4X4 SE MT SC R492 000,00
NAVARA 2.5D 4X4 LE MT SC R527 000,00
Zonke izinhlobo zifika neservice plan yeminyaka eyisithupha noma u-90 000km newarranty yeminyaka eyisithupha noma u-150 000km.