IBUYE ngeSport Utility Vehicle (SUV) encane eNingizimu Afrika iChery esivule iTiggo 4 Pro.
Ezinyangeni ezedlule kumenyezelwe ukusungulwa kweChery South Africa kwathenjiswa ukuthi ngoNovemba kuzokwethulwa izimoto namagaraji angu-30 ezweni lonke.
Kuzokhumbuleka ukuthi iChery ike yadayisa kuleli phakathi kuka-2008 no-2018.
Ibuye ngamandla njengoba yethule nengqophamlando yewarranty yeminyaka engu-10 noma amakhilomitha angu-1 million. Imoto ifika newarranty yeminyaka emihlanu noma u-150 000km okuthi uma iphela bayilule mahhala ngegxile enjinini ngeminye iminyaka emihlanu noma u-850 000km inqobo uma imoto ingakaze ishintshe ubunikazi.
ITiggo Pro 4 inamaLED daytime running lights futhi uyakwazi ukuthola nenamaLED headlights.
Izibuko zayo zasemaceleni ziyagoqeka uma uyipaka endaweni encane.
Kuya ngenhlobo yakho kodwa osayizi bamarimu bangu-16 inch kuthi enye ibe no-17 inch.
Izinhlobo ezibizwa nge-Urban neComfort zinenjini engu-1.5 litre engenayo iturbo. Inamandla angu-83 kW netorque engu-138 Nm. I-Urban inamagiya ayisihlanu ashintshwayo kuthi iComfort ibe nogearbox oyiCVT ozishintshayo.
Kumakhasimende athanda i-Elite ne-Elite SE bayakwazi ukuzikhethela ukuthatha enamagiya ayisithupha ashintshwayo noma i-CVT. Kule nhlobo injini yakhona kaphetroli ingu-1.5 turbo.
I-1.5T inamandla angu-80kW netorque engu-210Nm.
Zonke zinamabhreki e-ABS ne-Electronic Brake Force. Kuphinde kubekhona ne-Electronic Stability Programme (ESP), Traction Control (TCS), Roll Stability Control (RCS), Hill Descent Control (HDC) neHill Assist.
Ngaphakathi iphinde ibe ntofontofo. KwiScreen sayo esikuDashboard ikwazi ukuxhumana iselula nge-Apple CarPlay ne-Android Auto. Inezimbobo ezimbili ze-USB ngaphambili neyodwa ngemuva, idlala iDVD iphinde ibe neBluetooth. Iphinde ibe nekhamera eveza ingemuva uma uhlehla.
I-Urban neComfort inezipikha ezine kuthi kwi-Elite kwengezwe ezinye ezimbili ukuze ibe nomsindo omkhulu. I-Elite inezihlalo zesikhumba neSunroof.
Intengo:
Chery Tiggo 4 Pro 1.5 Urban (5MT) - R269 900
Chery Tiggo 4 Pro 1.5 Comfort (CVT 9SPD) - R299 900
Chery Tiggo 4 Pro 1.5 Elite (6MT) - R319 900
Chery Tiggo 4 Pro 1.5 Elite (CVT 9 SPD) - R349 900
Chery Tiggo 4 Pro 1.5 Elite SE (CVT 9SPD) - R359 900
Ine-Service plan yeminyaka emihlanu noma amakhilomitha angu-60 000.