I-VOLKSWAGEN yiyona nkampani edumile eNingizimu Afrika, kuthi iToyota Hilux kube yiyona moto eyintandokazi, ngokombiko i-2022 AutoTrader Car Industry Report.
Umbiko uveze nokuthi intengo yezimoto ezingamasekeni inyuke ngo-16% ngo-2022.
Kuvele ukuthi intengo ngokujwayelelile okuphathi nendawo yezimoto ezingamasekeni inyuke yaba kuR432 407 kuthi ibanga ezilihambile lona lanyuka lisuka ku-75 413km yaya ku-75 939km.
Umbiko uthi siyanda nesibalo sokuthengwa kwezimoto ezihamba ngogesi. Uthe isibalo salezi zimoto sifinyelele ku-500 okokuqala ngqa, okuyinto ekhuphuke ngaphezu kukahhafu uma kuqhathaniswa no-2021.
Isikhulu se-AutoTrader, uGeorge Mienie, sithe umbiko ufike ngesikhathi esibalulekile embonini yezimoto kuleli, njengoba kumele ibuye ngamandla kusetshenziswe okufundwe eminyakeni emihlanu eyedlule.
